شِنگ کن:
کَس پھر مہ بند اِیت پہ دابانی گُلیں لالاں
من زنڈیں رَدے وارتگ بْیا چمّن بگر ھالاں
اَنگت هم دل ءَ کَھر اِنت کہ ھچّ نہ سَگّاں من
سوچوکیں شِگانانی دْرشتگ من ءَ دُمبالاں
تو ھر چی گْوشئے کَرزئے مھرنگ اے منی ھال اِنت
دَسبندی ءُ اَرزءَ یاں گوں کاسد ءُ ربّالاں
دیر اِنت کہ یکیماں من دل انگت اُمیتوار اِنت
بَتِّر من ءَ وَیراں کُت اِے نیک ءُ بَدیں پالاں
دل انگرے سوچوکیں گُپتار چو آس ءَ اَنت
من آزگیں ٹپّان ءَ پِرداراں وتی گالاں
بِھ موم نہ بیت زاناں پمّن تئی سِنگیں دل
شَر زانئے کہ سے سال اِنت ھانؔل پہ ترا نالاں
من جزماں پد ءَ کَیت اِنت یک وژدلیں باریگے
ھر رنگ ءَ سَیؔد گْوازین اے رنج ءُ گم ءِ سالاں