شِنگ کن:
کُت بچار ماتاں زِند ءِ براہ اَندیم
پُلّیں سالونک ءُ کیچ ءِ راہ اَندیم
مَردماں نام مُردگ ءِ پِربَست
وَھدے جُون ءَ چیں بیت ساہ اَندیم
ھر گُوَر ءَ شِنگ بیت کہ تھاموری
کُت بزاں سیہ شپ ءَ صباہ اَندیم
یک مثالے منا تو پیش بِدار
ایمنی ءَ گوں بیتگ ڈاہ اَندیم
آ، سَتَر گیش بکنت اِلاپی ءَ
گوں ”کُٹ“ ءَ ھِچ نہ بیت طلاہ اَندیم
ساحرؔ پہ نام ءَ رَوی ءِ کُت اَنت
زَنڈ پاگاں، اِے بے کُلاہ اَندیم