تَھاری سِترَاھَا پِیچیت
داں زاھِر بیت کہ چُنت استار
شَپ ءِ بِے سارْی ءَ کُشتَگ ۔
دَگانی دامُن ءِ چَوگان شَاھد بَنت،
گِیں اُبادَگ ءِ سَان ءَ کُجام بِیم ءَ زَھِنتَگ دِل،
کُجام دِلبَند کُتِیگ اِنت،
بَلے وَھدانی پُولِشِتیں نِگاھے تِیر اَلَم زانت
دِہ ! مئیں ھَلکے، ھَمُک پُسَگ بَھارے نِیت ءَ پَھم ایت
نَہ پِر ایت شِھمیں گَواتچنڈاں۔
زِھیں گَورْمانی آلاڈ اَنت
نِگاھاں زَرْاب مِچیں ایت
کَے مں شِیرَانی، شِیرزال اَنت
مَزار ءِ مادِنیں پُسَگ، مَزاری اَنت مَزار بِیمیں
مَں شَیداھاں پَوادانی ،
زِرے اَلماسیں مُروارِد ماں لَمب ءَ چادرے ڈَکَّ اَنت
مَنی اِیمان مَکہ اِنت،
مَنی اِیمان مَدینہ اِنت،
مَناں بِل دئے !
مَناں بِل دئے مَنی ھَلک ءَ،
وپا اَنگَت دوسَد سال اِنت ،گِلاس ءِ آپ ۔
وثی رَسمانی قیدی اِنت
کَلام وَنثگ جَوانسال ءِ
مَناں گِیر تَوکلی مَستیں۔،
مَنی دَروَر گُلستان ءِ جُڑانی بَستگیں سَنج اِنت
مَنی دَروَر مَنی ھنکین ، بَلوچِستانیں چَمَن گَنجیں۔،
بَلوچستانیں چَمَن گَنجیں۔،