شِنگ کن:
پَہ سَاز نہ سَاڈ ایت دِل ءِ سُڑئِیں پَھار
سیگریٹ ءِ دِوتاں شَہ ھَزار راز دَر اتکگ
اُمیت ءِ نیمون ءَ کِتاباں گوں دُچار اِنت
کَم ، کَم ءِ ھِساب ءَ چہ اَبر بَاز در اتکگ
کَے شائِر ءِ شَیدائیں نِگاھانی تَبا زانت ؟
چوں کَدَھِےءِ آپ ءَ چِے نِگاہ باز در اتکگ
انگت وَتی نیزگاری ءِ گَورجیگ ءَ نچار ایت
کِہ آزگیں واب اَنت شَہ آ امباز در اتکگ
کَاشانیؔ کُجام گَال تئ ٹَپانی دَوا بیت !
بَس تَرانگ ءِ بَندوک اِنت کہ مَھناز در اتکگ