شِنگ کن:
من بے ساریں پکیرے آں
تو گران نازیں جنکے ئے
منی مال ءُُ متاہ شالے
چو دؤرءِ شے مریدءَ آں
بڈّا مہرءِ کچکولے
دستءَ یک عصایے ہست
شپاد پادی ءُُ بے ساری
ماں دردءِ جنگلاں ویلاں
منا میہڑ رَمگ دوستاں
ءُُ سبزیں ٹال کہیرانی
کپوتانی گُلیں کُوکُو
منی زردءَ کرار بکشنت
من بے ساریں پکیرے آں
تئی لوٹ ءُُ تماہ لالی
لنٹءِ پَن سُرکی انت
بلوچی جامگءَ بے ہال
لباس تئی گوَنءُُ ساڑی اَنت
تئی پاداں کیمتی پادینک
دستاں سُہرءِ چوڑی اَنت
توئے محلانی بی بی کار
منی دوستی نہ بیت گوں تو
من بے ساریں پکیرے آں
منی مال ءُُ متاہ شالے
کہ ہژدہ جاگہءَ چاک اِنت
کہ ہژدہ جاگہءَ چاک اِنت