شِنگ کن:
نہ زاناں چونیں اے زندمانے
من تہنا تہنا گمءِ گیابءَ
کدم جناناں من دیم پہ منزل
نہ بیل ءُُ سنگت نہ دوست ءُُ یارے
نہ شانتلانی گلیں توارے
نہ درچکے سرسبزیں گندگءَ کیت
نہ کنڈاں گواہیت پچگلیں آپ
پہ آپداریءَ بُزگلانی
شپانکءِ وشیں نلانی آواز
نہ شمش ءُُ سورچک ءُُ پژّوے ہست
نہ ریکگاں ماری آلکویے
نہ گوارنت جمبر رگامیں ہوراں
نہ مہرءِ گلباگءَ پاتویے ہست
نہ پِرّکے چمءِ گندگءَ کیت
کپوتءِ کُوکُوءِ ساز گار اَنت
آ بست ءُُ کوہءِ ڈگار گار انت
آ ہلک ءُُ میتگ دراہ وڑالی
آ لوگءِ دیمءِ کہیر مرتگ
آ ہندءِ پہکا نشان گار انت
آ ہندءِ پہکا نشان گار انت