شِنگ کن:
بے توار انت دریچک ءُ دروازگ
آپ رِشت ءَ دیدگاں پرشتگ
گُنگ گویاک چول ءِ برمشانی
مُرگ گوات ءِ گوں گپ ءُ گال کننت
قبلہانی نہ رستگیں جمر
دیم پہ گوریچاں تلوسان رواں
درچکے ءَ درد چاپ ءُ چوگان اَت
دل چو ہشکاوگانی چیہالاں
کپت گوشاں بہ گش کہ ہؤر بہ بیت
من داں زِر بار ءَ چمّ جتگ ہچ نیست
نیلگیں آزمان پَشت کپتگ
تیوگیں دو جہان پَشت کپتگ
آپ ءِ کترہ زمین ءَ گواہ نہ کنت
ارس ارواہ ءِ قیمت ءَ زاننت