شِنگ کن:
مُسافر سیائیں شپ ءِ
بچار کہ رد نہ کپ ئے!
زمانگ ماہ ءَ سر انت
تونِشتہ گال گوٛپ ئے
اِے وشیں گپان مچار!
اِد ءَ کس، کسّی نہ انت
جہان ءَ نیست انت وفا
پہ مہر ءَ جند ءَ مہ کُش
زہیر ءِ آس ءَ مہ سُچ
جبین ءَ داگ مہ دئے
وداراں درٛوگیں مہ نِند
مہ جیڑماں برفیں شپاں
اِے دُنیا سُہب ءِ غم انت
دو روچ ءَ صبر نہ کنت
پہ وشیں گپے دپی
دل ءَ کس قبر نہ کنت
تو مفت ءَ کُشت وت ءَ
جبین ءَ داگ دئے
زبان ءَ آس رِچیت
تل اَنت تئی دامن ءُ جیگ
نِگاہاں نود شل انت
دِگہ کئی زنگ ءَ جن ئے
ھما کہ پہ تو زر انت
دمانے بے تو نہ بنت
مہ گند اَنت سہتے ترا
چو طفل ءَ زار جن اَنت
بِچارئے شر اگاں
ہما اوں گوں تو نیاں
تو مفت ءَ کُشت وت ءَ
اِد ءَ کس کسی نہ انت