شِنگ کن:
نام تئی وِرد بَر زُبان بیتگ
حال مئے تئی سرا عیاں بیتگ
دیم تئی گَر، ندیتگ اِے چمّاں
دل گُشے کہ منی جَلاں بیتگ
بہم مرگ ءِ، نہ تُرس دنیاءِ
دوستی ئے چونیں مئے دلاں بیتگ
اِشکتگ بْرمشے، گَر اناگاہ ءَ
آیگ ءِ تئی دل ءَ گُمان بیتگ
گیشیں دردان ءُ بازیں اُپّاراں
دْراج چو عشقءِ داستاں بیتگ
منی سرا گْوستہ ہنچیں ہم ساعتے
مثل جو جنّت ءَ جہاں بیتگ
گورتگ ہؤراں ماہ کوہ سر ءُ ڈنّاں
بیا کہ دنیا پدا جواں بیتگ
روچ و شپ پرچے گوں غماں جیڑے
کئے مدام ساحرؔ شادماں بیتگ