شِنگ کن:
نِگاھاں ارس منی برجاہ، تو سھی ئے؟
نہ منتگ مُحبت ءِ درگاہ، تو سھی ئے؟
ھماکہ زندگ اَت پہ وشیں روچاں
ھمائی کُرتگ اِش بیگواہ، تو سھی ئے؟
ہزاراں سال ءِ جہمننداں زمین ءَ
نہ استیں لوگ من ءَ،نئے جاہ، تو سھی ئے؟
ناگوار اَنت نیکہ شنز اَنت نوبتاں مئے
اے ھُشکیں جمبر اَنت برجاہ، تو سھی ئے؟
ھماکہ وپتگ اَنت نرمیں نپاداں
کتگ سِنگ اِش وتی سرجاہ، تو سھی ئے؟
چہ تئی دست ءَ شتگ چو لیاری ءَ کیچ
منی دوست ءُ منی دوزواہ! تو سھی ئے؟
من کند اِت اصغرءَ کنداِت ءُ اوں گوں من
نوں گریواں نیست من ءَ ہمراہ، تو سھی ئے؟