شِنگ کن:
شپ کیت منی راستیں کش ءَ
چُکیت من ءَ امباز کنت
ءُ گوشاں منی ،لہم لہم ءَ گُشیت
شاعر منی دراہ عاشق اَنت
دائم منی
تامُوری ءُ بیمناکی ءَ پہ
اَنگاریں دل ءِ
مارشتاں وتی
تاکانی سرا
ریچان کناں
تو ھم وتارا شاعرے لیک ئے
بلے !
پرچا منی
تامُوری ءُ بیمناکی ءَ
مارشتاں دل ءِ
ریچان نہ بئے
من گوں شپ ءَ
جیڑہ دل ءِ
درشان کُت اَنت
اِے دل منی
لوٹیت مدام
کہ پہ تئی
تامُوری ءُ بیمناکی ءَ
شعرے بہ لِکّاں گوھریں
بلے!
چون کناں
نیل اَنت من ءَ "مَنگُڈ" کہ من
شعرے پہ تو نبشتہ بہ کناں