نیم گنوخ

تھاماں لیو ءُ کند کند شاذیھانی

شُذغ انت اوتھر ءُ گواثاں بُڑتگْ انت

بلوخیں چاڑدہی شف ماھِخانی

تاریکیں شفاں را شیر شُذغ انت

نہ لوٹی دل بھارگاہی سمین آں

وش بو نئیں کہِ پُل ءُ پَرپُغانی

نئیں کہ پُل گُذیں مئے ماھ جبیناں

رَژین اتنت قدھیں چم سریمُغانی

نئیں پہ وَزُّتاں دوریں منی دل

نئیں تنگیں پہ چُکاں گریثغیناں

گُشئے بیثہ چو آساں سوتکغیں سِل

داثی ایں من کوٹاں دریھیثغیناں

ھماں روش کہِ وتن پُلِثہ وروخاں

ھماں روش ءَ شہ گِپتؤ نیم گنوخاں