شِنگ کن:
آں کھئیں پُلاں کِھشغیں
گُلءَ وھشیں بو زَراں
آں کھئیں پہ پھاذ شواذاں
دِیر کھنغیں کُنٹِغاں
آں کھئیں نِندی دوگامے
گوئر پریشانیں دلے
آں کھئیں کہ زِند ءَ سوز ئے
قصواں دلگوش داث
تنگ و آزاریں دلے ءَ
داث تسلی ئے دلی
آں کھئیں بے جیرت ئے
زا و گوزاں بہ اشکونی
جِیرت ءَ کھنت بَذ گُشوخئے
ٹھئوک ءَ ولدی ءَ مہ داث
نی کھئ دستاں شہ تی ئے
جان آزاری نئیں
نی کھئے کہ براث و دوستاں
بیا کہ بیزاری نئیں
کھئے سخی نوذ بندغیں
کہ دادن ءَ کھنت جَر و دان
کھئے پہ سمی ئے ءَ گوخاں
پہ سرا زیان آرغیں
کھئے وھثی قولان ءَ پالی
کھئے جامیں عومریں
کھئے کہ بَگھی آں نہ چِکی
تھامیں خیرنڑ جَور جواو
دو برا بالاچ کھئے بی
کھئے کہ بی اکبر نواو
شا مناں ڈسے من شعراں
پہ کھئی سِپت ءَ جناں
چم کھیہ پھولاں و دستءَ
دراژ کھناں کھئی پلوا۔