شِنگ کن:
نیست انت جہاں ءَ تئی بدل
تو کہ ھزار داب کن ئے
گِندئے منا تاب کن ئے
چہ تو پراموش نباں
تئی داتگیں رنج و غماں
نِنداں تئی راہ ءِ سر ءَ
چاراں ترا چہ درشماں
بیائے کدی چو جمبر ءَ
بگوارے منی کُلّ ءِ سَر ءَ
بئیت اِنت پدا شالا بہار
وس لُڈّگیں مہر ءِ کِشار
دُرجیں دپ ءِ کوپ ءُ کرار
باسکانی تئی لھمیں ودار
وش وش گوزیت لیل ءُ نہار
من تو کہ بئیں ھور ءُ توار
شوھازؔ پِر بندیت غزل
نیست اِنت جہان ءَ تئی بدل