شِنگ کن:
پہ وتا نوک تری ںراہ ءُ درے درچِتگ ءِے
جاڑی اِنت دل سفر ءَ ھمسفرے درچِتگ ءِے
موسم ءِ پیم ءَ بدل بوتگ منی مہر ءِ شریک
روچے بےمہری ءِ درچکاں چہ بر ے درچِتگ ءِے
وتی چمانی من ھیراتاں گوں پنچیں رُکناں
پہ من جورانی تہا لب شکرے درچِتگ ءِے
جی پہ آجو ئی ءِ وازمند گیں فر زندءَ بہ بات
سُہر یں دگانی سرا سیاہ جگرے درچِتگ ءِے
اےگیابان ءَ کہ سوریچک ءُ ندگ گواہ نہ کنت
دل اگاں تاجگ انت باگی ثمرے درچتگ ءِے
زانگ ءَ زانت کہ دودانی سزاوار نہ اِنت
انگت ءَ ھم پہ وتا آس ءُ چرے درچِتگ ءِے
کےبزانت دل گوں کئی درد ءُ گماں مشکول اِنت
گوں وتا چیر ءُ سر اِنت کر ءُ گورے درچِتگ ءِے
روچ پہ روچ گندگ ءَ پزوربُوّان اِنت قاضیؔ
چو حر ءَ لاپ نہ دنت کس ھُنرے درچتگ ءِے