شِنگ کن:
پَرے حال ءَ، گلیں یار ءَ کنائینت
آ، دَردانی شَریدار ءَ کنائینت
تھاریں رُو ءِ سُوچک ءُ سوزمان ءَ
منا رُسوا ماں بازار ءَ کنائینت
چہ دست ءَ زَحم پَچ گِپت کاسگے دات
فقیرے شیھ، دِشتار ءَ کنائینت
دَوارے نے وتا بیت ئی نصیب ءَ
ءُ راج ئی ھم چو چَمدار ءَ کنائینت
تیار ءُ بارگ ءُ بُرز قدّیں بالاد
کہ ایر جیگ اِنت غم ءِ بار ءَ کنائینت
بدیں چاگرد ءِ ٹاکور ءُ شِگاناں
زبان گُنگیں منی ھار ءَ کنائینت
اَے ساحرؔ! ترانگانی کُوَھنیں ھَؤپ ءَ
منی رَنگ چو ھَلِگدار ءَ کنائینت