شِنگ کن:
قندیل تمایں شہرءِ مران اَنت یک یکءَ
دلبّریں زہیر تاہیر گران اَنت یک یکءَ
اے چونیں بنائے بے مہراں بندات کتگ
نازاکیں منی ہمراہاں بران اَنت یک یکءَ
چو مرچیگیں انسانءِ وڑءَ یک راہ نہ بنت
توریت، زبور، انجیلءُ قرآن اَنت یک یکءَ
بیا بیا کہ زِریں چم ارس شلان اَنت ترمپ ترمپءَ
بیا بیا کہ گنوکیں زرد زَران اَنت یک یکءَ
اے دہرءِ مردم قاضی تئی غموار نہ باں
انگت اے بلے تئی چمءُ سران اَنت یک یکءَ