شِنگ کن:
زَبادیں مھپراں گُل رَندگ ءَ اِنت
پد ءَ جمبر گُمانی بَندگ ءَ اِنت
تئی ٹھلانی گونڈل دیدگانی
جگر بنداں منی ایر نندگ ءَ اِنت
چِہ رنگ ءَ اَرس ءُ ھِیکّاراں بداراں
دگہ کسّے ترا گوں کَندگ ءَ اِنت
چتور بگْوشاں کہ دْراہ اَنت آزگیں ٹپّ
کہ دنیا یے اِشان ءَ گِندگ ءَ اِنت
دگہ روچے شپ ءِ نیم ءَ در آتکگ
من زاناں کہ اَمُل بچکندگ ءَ اِنت
منی کُلّ ءِ مکن جُست ءَ شپ ءُ روچ
گَم ءِ جمبر پہ ڈولے گْرندگ ءَ اِنت
پد ءَ گْوانک جن اِے بے گنجیں زھیر ءَ
منی شُومّیں دل ءَ را سِندگ ءَ اِنت
شکر گالیں منی ھانؔل دو سے گال
سیؔد پر تو پد ءَ پِر بندگ ءَ اِنت