شِنگ کن:
شھدیں گپّے دَپ ءَ چیں درشان کن
اے کہ زھر اَنت اِشان ءَ وشّان کن
پو گَس ءُ ناہ دَرچن ئے داں کدیں
گراں بَریں زِند ءِ مَچّ ءَ گورشان کن
تراشگی اِنت تراچہ سِنگ ءَ بُتے
پیسرا تیز اے کُنٹیں تَشّان کن
ھچ ترا نیست پہ ڈیھ ءِ سالونک ءَ
چَنک بہ جن زرد ءِ حوناں زَرشان کن
جُھد ءِ ننگار ءِ داتگیں اِے پَلاں
نیست مرزِن، وتارا کَشّان کن
تو، برئے، زند ءِ رُستگیں وَلّ ءِ
بایدیں نیں زَران ءُ پَشّان کن
ساحرؔ، ٹپ وارتگ ءَ مَئیت آرام
نام ءَ درمان ءِ وادئی پِرشان کن