شِنگ کن:
سیمہ ءَ آدینک گون انت سمی ءَ مزواک گون
ماھل ءِ جالاریں دوچاں سرمچاریں تراک گون
شیکنی کولے نسیب ءَ تالہ ءَ پتکینک گون
گوانزگیں پُرسے من ءَ گون کورگیں نازینک گون
سرمہ دان ءَ آس ٹلاتگ مھبت موسم ءَ
گریتگیں آواز ءِ درین ءَ ابرم ءِ پوشاک گون
رھگوزی گنداں ترا ساہ کشگ ءَ بے ھال باں
سُرکی ئیں لنٹانی کیپاں گِپتُکی تریاک گون
آس مھرنگے زمین ءِ ھنیاں کس ءَ نہ دنت
چُلڈیں استان ءِ درپشیں جلڈیاں جاک گون
شیر میچینتگ بلوچستان ءِ مھراں ماتی ءَ
مونسیں مرگی زھیراں شپچراگیں تاک گون
مرگ کاینت ءُ گوز انت دیدارے ءَ مھتل نہ بنت
مے دلاں اللہ وَ زانت چینچو زھیرءِ ھاک گون
گنگ ءُ سر نشتگ وتی گیرانی آتراپ ءَ نواب
وشیں دنیایے بلے ھر یکے ءَ کاچاک گون