تاس شراب ءِ تاس ءِ سرا اِنت کئے منی واب ءَ مانا کنت

آپ سمّاک ءَ جتگ، انسٹیٹیوٹ آف بلوچیا، 2019

شِنگ کن:

ہجگیں گلابے آس ءِ سرا اِنت کئے منی واب ءَ مانا کنت

روچ تئی دستانی دل ءَ اِنت چو گوربام ءِ استال ءَ

ماہ تئی جیگ ءِ لاس ءِ سرا اِنت کئے منی واب ءَ مانا کنت

درگاھے بے سُدیں فقیرے ماں درگاہ ءَ وش واب اِنت

انگارے کرپاس ءِ سرا اِنت کئے منی واب ءَ مانا کنت

ہرگام ءَ یک نوکیں سفرے دیم ءَ اِنت سفر قاضی

چکاس پہ چکاس ءِ سرا اِنت کئے منی واب ءَ مانا کنت