ترا، ما کہ وتی ارواح ءُ گِین گُشت

ترا، ما کہ وتی ارواح ءُ گِین گُشت

پہ ھنچاءَ نہ گُشت جَزم ءُ یقین گُشت

گُشنت اِش شگرب ءُ مگرب، بلے مَا

تئی واب جاہ ءِ پادینّ ءَ سَرینّ گُشت

نہ گُواھیت دلسِریں جاہ ءُ دوارے

اے دنیا ما کہ رنج ءِ سَر زمین گُشت

ھَمُک سِلکاری اِش ڈیھ ءَ رواج دات

اِشاں بد کِردی ءَ را زُرت دین گُشت

سرا داشت انت دل ءِ تُرنداپ ءُ تَریاق

ما شَھد ءُ شَکّل ءَ را ما رجین گُشت

بد ءُ بد لَبز ءُ بد عہد ءِ سَتا ءَ

گلیں راست ءِ گشوک ءَ، ما لعین گُشت

زَر اَنت پہ سارتیں ساچانے، آ ساحرؔ

بَھار سوچیں لِوار اِش، کہ سمین گُشت