شِنگ کن:
تئی دامن ءِ گراں وابیں بے واب دگہ رنگاں
بیا بیا کہ مئے چمانی مہتاب دگہ رنگاں
ہروشی ءِ چم ارساں، ہرغم چہ گل ءَ بالیں
اے رنگ دگہ داباں، اے واب دگہ رنگاں
تومہرءِ چمن زاوگ تئی سُہباں دگہ پیمیں
ما درد ءِ شپ ءِ زہگیں مئے داب دگہ رنگاں
فرہاد ءُ مُریدانی دگہ چاڑ ءُ دگہ مئیلاں
اے دؤر ءَ تئی دیدءِ کریاب دگہ رنگاں
تئی حُسن ءِ ہنر سازءِ اوزاراں دگہ رنگیں
مئے واہگ ءِ واہندءِ ازباب دگہ رنگاں
ڈیرینتگ نثارؔ زاناں دنیا ءِ غماں دل،کہ
اِے شہرءِ درءُ باب ءُ محراب دگہ رنگاں