شِنگ کن:
وت وتا ماندارگی اِنت منا
اے ندارگ اوں چارگی اِنت منا
چہ مریخ ءَ مسافراں کاراں
نوکین دنیایے دارگی اِنت منا
من ہمئے واستہ تہلیاں تنگاں
شیرکنیں درد مارگی اِنت منا
مسکیں مہرانی بکملیں بیرک
دائم ءَ بُرز دارگی اِنت منا
من ہما منزلانی راہی آں
پُشت ءَ ہچی نہ چارگی اِنت منا
من شہیدانی حون ءِ پدریچاں
کئے گُشیت ارس گوارگی اِنت منا
قاضی لبزانی گنج درکار اِنت
گال نگدیں کتارگی اِنت منا