وطن

اے وطن پاکیں بہارانی وطن

زحم جنوکیں سرمچارانی وطن

ما تئی کُٹّ ءَ پہ شات ئے رُستگیں

کودکی ءَ داں کہ ورنا بتگیں

ما سر و حیز ءَ تئی سرین بستگیں

سکّی ءَ مَارا توار ءَ پِر بِکن

اے وطن پاکیں بہارانی وطن

زحم جنوکیں سرمچارانی وطن

نود ساحیل انت مدام جلگہاں

روچ شپ دریا تچیت تئی سبزگاں

دوست ئے مارا تو چو مثل دیدگاں

آپ ءَ پُرانت ترونگلیں تئی کُمب و کہن

اے وطن پاکیں بہارانی وطن

زحم جنوکیں سرمچارانی وطن

نے کسے سردار و نے کسے غلام

ذات و ذریات و نسب پر ما حرام

وت من وت ہم شؤر پُر محبت تمام

کودک و ورنا و پیریں مَرد و جن

اے وطن پاکیں بہارانی وطن

زحم جنوکیں سرمچارانی وطن

ناگہاں بئیت پر تو گرمیں ساعت ئے

ناشراں کسّے بگیپت اچ وت گت ئے

اگاں جونیں ببیت انت طاقت ئے

ما دپ ءِ چہ ذگریں خون ءَ پُرکَنَن

اے وطن پاکیں بہارانی وطن

زحم جنوکیں سرمچارانی وطن

نام تئی چو مسک ءَ ہر کنڈے زرات

تئی سر ءَ رحمت خداوند ءِ ببات

داں جہاں ہست انت تئی بیرک برزبات

تو پہ ساحرؔ ہنچوش ءِ ساہ پہ بدن

اے وطن پاکیں بہارانی وطن

زحم جنوکیں سرمچارانی وطن