یک رَندے آگاں

یکرندے آگاں پمّن تئی نیک نِزر بیت

سد رند ءَ منی کار ھراب بوتگیں شر بیت

اَے مجلس ءِ ھمزان مہ ٹوھین من ءَ تو

کُلّانی سِپہ کَیت گُڑا گپّ ءُ ھبر بیت

ھر کس تئی دیوان ءُ سرپاں میر ءُ نواب اِنت

بھمنتگاں ھر وھد من ءَ جُست دوبر بیت

تئی واھگ ءَ گُرتگ من ءَ بے گم چہ شوھاز ءَ

ھر جا کہ سروں ایر بیت زاناں تئی دَر بیت

من زاناں کسے جُست نہ کنت واهگ ءِ رنجاں

دردانی دوار جاه منی دل یا کہ جگر بیت

ھانؔل من ءُ چکّاس ءُ بچار پہ تو سدّکہ

دْرستاں چہ اَوَل اِے منی گَھ گپتگیں سر بیت

گوں دُژمناں من شات کناں چوں تئی زَنگ ءَ

زاناں کہ گُنہ گار تئی شُومّیں نَپَر بیت

سر گِپتگ نہ زاناں پہ کجام دیم ءَ سیؔد تئی

دوچار ئِے بکپ بزّگ ءِ آسان سَپر بیت