شِنگ کن:
زاناں گیوار گُل ءَ رَست، پدا
شِلّیں دَرداں منا ماں بست پدا
سر زمین ءَ اِے بزّگ مندانی
کُت نِزوران ءَ زبردست پدا
داد بکشوک ءَ نصیبے بکش اِت
کِرد ءُ کاراں چہ بَدیں نَست پدا
وھد کہ شادِھی روچاں پُشت کت
بیت رنجانی ”بلاہ“ مَست پدا
بُندریں مِھر ءِ گُلیں ھَنکین ءَ
مانرچاں ”کینگ اَنت ءُ کَست“ پدا
کنت کوکار دَپ ءِ پُرّ ءَ گشیت
”من بُنی نیستاں کناں ھست پدا“
ساحرؔ بَد کِردیں سراں بے زانتیں
پہ ما وشحالی ءِ دَر بَست پدا