شِنگ کن:
زبان گُنگ اِنت منی، چماں ھردویں کوراں
بکش چگل دئے منءَ انگہ گوں ترا ھوراں
مئے بے وسی ءِ گمءَ سرجمیں جھاں سرپد
وتی مں بھتءِ گلام آں وتءَ چہ کمزوراں
تئی کہ چمءِ تھا اے جھان نز اتکگ
برو کروج اے دنیاءَ چہ ترا دوراں
سلاہ گون انت من ءَ بے دراں چکراں بس
بُگش تو ھرچی گُش ئے سوجاں من تئی زوراں
گُشان دِرتگ گہارانی، برات بندیگ اَنت
پہ ھکءُ دل چشیں ملکءَ من چونیءَ زوراں
بھشتءِ در پچیں پتو کہ بے گناھے ئے
پہ دروتءَ ساڑی اِنت سمی گوں حوریں بانوراں
ھمے دوا ِانت چہ رب ءَ تو سر بہ بئے گپار
منی کہ کشک جتا ِانت بزاں کہ من کوراں