شِنگ کن:
واھگ ءَ گوں وت ءَ زوران ءُ رواں
تئی کھیبان ءَ تْرھینان ءُ رواں
کَس پہ تئی ھنّیاں گموار نہ بیت
ھونیں اَرساں وتی ریچان ءُ رواں
گُڈّ چَہ مَرگ ءَ منی، پادار نہ بَئے
پہ ترا ھُرمت ءَ گْریوان ءُ رواں
گِراں رھبند ءَ تئی اَھدانی
مرچی کَولاں وتی پْروشان ءُ رواں
کیگد ءِ واھگ ءَ بَندیگاں بلے
آسِنیں سَنکلاں سِندان ءُ رواں
رَند چَہ من دوستی ءَ گموار نہ بیت
اے گم ءَ گوں وت ءَ زوران ءُ رواں
دیم پَما دیریں دَیاراں ھا نؔل
ساھتّکے ترا گِندان ءُ رواں
ھاتر ءَ تئیگ ءَ اگاں موہ بِرس اِیت
سرجمیں دپتراں سوچان ءُ رواں
پَتّئی ھاتر ءُ شَیدائیں سَیؔد
گُڈ سری اَرزاں گُزاران ءُ رواں