شِنگ کن:
مَرو سَر اِنت هال کَیت گُل گوں من ءَ هساب ءُ کتاب کَنت اِنت
گت ءُ گماں نیست اَت منی زِرد ءَ پمّن چوشیں سواب کنت اِنت
پہ ھاتر ءُ دوستی ءَ تئی من گوں آئی ءَ گَپّ ءُ تْران کُرتگ
نہ زانتگ اَت من کہ چوتئی ھمشیر شرّیں کاراں ھراب کنت اِنت
گُڑا بزاں واھگ ءَ منی، کَسملیک ءِ ٹھلاں چہ باج بُرتگ
نہ داراں کاسد چتو گِلگ، نِمدی ءَ منی چوں جواب کنت اِنت!
اگاں چو دوست ءَ من ءَ نہ چار اِیت بلے نہ بیت اِنت چمن شمُشکار
ھَمنچک باز اِنت من ءَ وتی جوریں دژمناں گوں ھساب کنت اِنت
مَدے جتائی ءُ دُوری ءَ تُرس ءَ بیّم ءَ ھانؔل من ھیلداراں
کہ گم تئی گُژنگیں مزارئیگ ءَ روچے سَد رند ءَ زْراب کنت اِنت
کہ زانتکاراں چہ واھگ ءِ بور ءِ تْرندیں سرکونڈاں اَے سیؔد من
گوں ھُکّئیں نالاں بِلّے آ دْرومن ءَ را شیلّیں وَکاب کنت اِنت