شِنگ کن:
اے دنیا ایں
ایدا ہر کس وت ءَ گاریں وتی ھیداں گرفتار ایں
کہ کسسے دولت ءَ باریں
کہ کسسے باز لاچاریں
کہ کسسے سار ءُ بیسار ایں
اے دنیا ایں
اے دنیا ایں
ایدا پہ متلب ءَ ہر کس ، دُغامے گوں ترا نِندی
ایدا کس ترا اِناں، تئی مال ءُ دولت ءَ گِندی
ایدا کس نبی کسسی
دُراہ وادہ شموشکار آں
دُراہ ماں پیسوئے یاراں
دُراہ ناھر ءُ سیاہ ماراں
اے سیساراں
ایدا براتانی کُشت ءُ ھون چو کہ پژمی بھا ایں
ایدا تہار ءُ تہار ماھیں
ھُدا گاریں
وفا گاریں
ایدا سنگت ءُ یارانی ، کہ ھمراھی دِے نیم راہ ایں
حیا ءِ تُڑس
ھُدا ءِ تُڑس
بیگواہ ایں
اے دُنیا ایں
اے دنیا ایں
اے دنیا ایں