شِنگ کن:
منارا چیر دئے وتی تہا، کہ پاشک باں
منارا زُور اندرءِ تہا بکن !
کہ شہرءِ دَمک سَگگّ ءِ وڑا نہ اَنت
اے مَرگ زندیں مردُمانی نَکش وپتگَنت
چو سیاہ مار
ہَوس چَاڈیں زندگی گبار دَر گبار
اے کَشّءُ چِیلّیں جیڑہانی کِسّہے اَجب
پہ کمّءُ گیش، چے تَلب
وتا بگنداں من ، تَہ راہ تاب کنت
( کہ اَنچو وامدار بیت کَسے )
من اَنچو اَچ وتا یلہ چَراں
من اَنچو سَربَتگ !!
نوں ھورک ءُ ہالی ایں کبسّے آں
منی تہا ءُ ڈنّ ءَ ، ہچّ نیست
منارا مَلگُزاریں دیدگانی دَرپءَ ایر کن
منارا چیر دئے
منا وتی تہا بِہ ڈَبّ
منارا کسّ گِندگی نہ اِنت
وتا گوں سَہت ے نِندگی نہ اِنت