شِنگ کن:
انی تھنا تئی گم اِنت رندا گماں بار مہ باں
بیا کہ بے چاڑاں تُشے من پدا بے وار مہ باں
جَنگ اے ھاترا لوٹیت کہ مہ بیت زند گنوک
چِندے پَشتکپتگیں روچانی تلبگار مہ باں
من نزانتہ کہ گنوکی ءِ جُتائیں کیپ ے
تُرسگایاں کہ ترا رند من پدا سار مہ باں
چنچوک زیبائیں تئی بالاد ءِ ابیتکیں بازار
بیا من ءَ دَست بِگر جان ادا گار مہ باں
چماں دَزگر منی ءُ گریوگ ءِ رِپک اوں بُگش
پِٹ پِٹ ءَ پدا اے ارس منی ھار مہ باں
من پمشکہ وتی تھنائی ءِ چاڑانی مُرید
کہ پہ گریوگ دَریں امبازے ءِ چمدار مہ باں