شِنگ کن:
زِرد ءِ وابانی گاریں مارِشت ءَ
زپتیں زھیرانی زَیمیں ترامبال اَنت
مِھر ءِ شِیر شندیں منزل ءِ راہ ءَ
رُنگیں رُنگراھاں گاریں اوبال اَنت
بوگ ءُ ھَرچ بند ءَ ھرچ مریدیگ ءَ
مِھر ءِ پروشال ءِ منّھیں نال اَنت
ھانی ءِ پیمیں بے وس ءِ بَھت ءَ
بال ءُ نیم بالیں گم اَنت بال اَنت
پہ گل ءِ دیدار ءِ وداریگ ءَ
کَرنے ءَ دراج تِر روچ ءُ ماہ سال اَنت
منی گِیر ءِ کَچکول ءَ مجید اَنگت
گَم جَتیں یات ءِ اَرسِیں تھتال اَنت