چکیں بلوچانی، مَا چکیں بلوچانی

چکیں بلوچانی، مَا چکیں بلوچانی

مئے ترس ءَ زمین لرزیت، مئے بیم ءَ کلات جکسنت

مَا کوہیں مزار چکیں، مَا گلڑیں شیرانی

چکیں بلوچانی، مَا چکیں بلوچانی

مَا کوپگیں پسّانی مَا جامگیں ماسانی

مَا پنجگیں براتانی مَا لجیں گہارانی

چکیں بلوچانی، مَا چکیں بلوچانی

مَا نان دئے ءُُ داد بکشیں مَا سر دئے ءُُ نام کشیں

مَا ھونی میار جلیں مَا دیما رویں بیرانی

چکیں بلوچانی، مَا چکیں بلوچانی

مَا گیرت ءِ شیر متکگ مَا ساہگءَ زہمانی

ھون پٹ اِیت چہ مئے چماں مَا قومیں شہیدانی

چکیں بلوچانی، مَا چکیں بلوچانی

ھون زرور کارءَ کئیت یک روچے مئے قوم ءِ

تاوان نہ بنت ہچبر نازینک مئے ماسانی

چکیں بلوچانی، مَا چکیں بلوچانی

مَا پُشتیں یتیمانی لاچار ءُُ گریبانی

زُلم ءِ ہسار ءَ پروشیں دؤر نئیت پدا زُلمانی

چکیں بلوچانی، مَا چکیں بلوچانی

چکاسیں ہزار رندءَ تیراں وتی دل بند ءَ

قول اِنت تئی پرزندءَ گوں گونڈلاں تیرانی

چکیں بلوچانی، مَا چکیں بلوچانی

چم روک اِنت بلوچستان نامداریں بلوچستان

درگاہ اِنت شہیدانی شہموکیں سگارانی

چکیں بلوچانی، مَا چکیں بلوچانی