رُمبے پکیر اَنت ءُ رُمے گدا
پکیر ھُیر لوٹ اَنت پہ نام ءِ ھُدا
ھُدا بادشاھے کہ پرواھے نیست
بندہ گناہ گار کہ اَرواھے نیست
پکیرانی رُمب دُراہ بلوچ اَنت یَلاں
شُدیگ دِرتگ پُچّیں گدا ھَم بلوچ
ھُدا بادشاہ اِنت کہ پَرواھے نیست
بلوچ ءَ پہ پِریات ءَ ھم جاھے نیست
بندہ گناہ گار کہ اَرواھے نیست
گُلامی ءِ بَرورد شُد ءُ گژن بیت
زیر دستی ءِ مُذّ بَدیں تژن بیت
کے اِنت مُرتگیں راج ءَ زِندگ بکنت
ببارت وشی ءِ منزل ءَ سر بکنت
بلوچ رُمب مہ بنت ءُ پکیر ھم مہ بنت
کدی ھیر مَہ لوٹ اَنت گدا بھ مَہ بنت
کدی نوک پَرنگ گار ءُ بِیگواہ بہ بنت
بہ بیت نِیلیں زِر حمل ءِ پُسگ ءِ
پَلشتیں گجر زند رُردا بہ بنت
بہ بیت سِیستان کمبر ءِ پُشپد ءِ
بہ بیت کوٹکاں پاک بلوچ ءِ زمین
مولتاں ءِ ھاکم بہ بیت چاکرئے
بہ بیت شال بلوچانی راج ءِ نشان
بولان ءَ آلم نصیرؔنوری ءِ
او! ھاوندائے باریگ کدی ابریں کیت
بہ بنت وت وتی ڈیھ ءِ واجہ بلوچ
بہ بیت کوھنگ گلباگے پَمّا مجیدؔ