شِنگ کن:
بل من ءَ
کمّے دلگوش باں
گوں بہار ءِ گُلیں زیمراں
زندءِ بے رنگ ءُ بوئیں اے گالاں وتی
نوکیں معنا ءُ چیدگ دیاں، نوکیں چُہر ءُ شُبین
من حیالانی پراہیں ڈگارءُ کپاںلبز ءِ درچکاں کشاں
شعر ءُ سوتانی من وش ہوائیں دیارے پہ سیل ءُ سواداں رواں
گوات ءَالہان باں ، شعر ءُ سوتاں گوشاں ، بو ءِ نام ءَگراں ، رنگ ءِ تام ءَچشاں
وھد ءِ گیمرتگیں ساز ءُ چنگ ءُ سُروزاں چہ پُل ءُ گُلاں اش کناں
بل من ءَکمّے دلگوش باںگوں بہار ءِ گُلیں زیمراں
کمے تاہیر باں گوں زہیر ءِ گُلیں نوبتاں
ماہیکانیں شپاں واب ءِ دست ءَگراں
نوکیں یک راہے ءَدرکپاں
منزلے ءَرواں
بل من ءَ