شِنگ کن:
دل ءَدیر اِنت کہ پہنیام اِنت
کتگ ہم راز ظاہری ءَ
عجب گنداں وتی بے اوستویں دہرءَ
من گنداں کوش مِسکانی گُلیں وشبواںواتر کنت
من گنداں آزماں استارانی قید ءَبستگ زمزیل اِنت
من گنداں سرزمین چہ گردشاں دور ءُ گستا اِنت
من گنداں کہ شپ ءِ رنگاں تنوبان اِنت
اے پیچ ءُ تاب لد ءُ گیاب ءِ
من گنداں کہ چراغانی گلگ واب ءِ
تہاریں ساہتاں سوتک اَنت
من گنداں کہ زہیر ءُ شادہانی سرجمیں زیمر
دل ءِ موتک اَنت
من گنداں کہ لکیرے کشّ اتگ دہرءَ
میان ءَحاک ءُ گندیم ءِ
من گنداں کہ
نگاہ ءِ محرمی ہم سر نہ بیت اودا
ندارگ برہنگیں پوشاکاں ناچ ءَاَنت