شِنگ کن:
دَر شاتلانی دز رس ءَآزمان ءِ منزل اِنت
واتر بہ بنت بیا اَنت تئی شہرءَمُشکل اِنت
ایر اَنت گُلاب واہگ ءِ اوستانی انگراں
اے دُژمنانی شہرءَچو دوستے منی دل اِنت
دریگت من ءَبہ رستیں زبانے چہ جلوہاں
تئی رنگ ءِ گپ ءُ تران اِنت ، دوستانی محفل اِنت
ماہ ءِ طلب نہ زُرتگ ، نہ کُشتگ دل ءِ چراغ
روچ ءِ گلگ نہ داشتگ ، منی رُژن ءِ قاتل اِنت
چو درچک ءِ حاک ءُ ساہگ ءَکئے کنت وفا ادا
ہرچی اِنت تئی شرفؔ بلے دوستی ءِ قابل اِنت