شِنگ کن:
درین ءَ کہ رنگ زُڑتہ شہ گیوار ءَ دروشما
رنگین ایں اے جہاں شہ سرءَ شار ءَ دروشما
اش ملپذاں پھذاں کہ شِنزو چھانٹالاں ہر گُرے
دلگیر نیاں شہ زُلف ءِ چھانٹکار ءَ دروشما
او زندگی تہ بِرشکند مئے پلوا دے گِند
برشکندغے تہ دئے مئے جمار ءَ دروشما
معصومیں دروشماں و پُلاں و پوپٹاں
تھئی حُسن ءَ دروشماں ہر سہدار ءَ دروشما
بشکنت تازگی اے کھندکھند و لیو و لوڈ
پُلکھندغانی ، عشق اے بیمار ءَ دروشما
موڑدانغانی گُڈّوخ اگر حسنیں یوسفئے
دل چیرءِ جنت شہ حسنئے بازارءَ دروشما
بے سیثیں زندگانی شاھر مں گھوریثیں
مہ دروشمانی لوڈ ءَ و جھنسار ءَ دروشما۔