اے خدا تو حالت ءَ خوٛار ءُ غریبانی بچار

اے خدا تو حالت ءَ خوٛار ءُ غریبانی بچار

کار کنت خوار ءُ غریب نان وارت بس واجہ کار

گلزمین ءِ کار کنوک ءِ نام گوٛما بزگر انت

آ کہ بے کار انت وپتگ بود پمائی بنت تیار

گوک کنت نئے توم کن نے کار بندیت حذمت ءَ

جوڑ کہ بنت ملک ءِ تیار کیت لیڑوان کنت اِنت قطار

کار کنوک گژن ءَ مریت بیکار ہمبار سڑاَنت

کاری ءِ نام بزگر اِنت بے کار ءِ نام اِنت واجہ کار

باز عجب اے حالتے دنیا چہ فرق ءَ درشتگ

آکہ بے کار انت امیر انت کاری ءِ نام بزہ کار

شِشک، پوڑی، بجار، پرس، بیگار گرانت

ظالمانی ظلم زورانی او خدا صد واو ءُ زار

ممبر و جرگہ نشین سرکار میر ءُ مجلس انت

ظلم زورانی عوض سرکار وت اَنت ہم پگار

واجہانی واجہ ءِ تو ذات پاک ء ذوالجلال

تو بدل کن حالت ءَ بزگر بہ بنت یکجاہ اوار

قسمتے واجہ بہ بنت کاری بیکار درکپیت

ہرکس دیم ءَ ماں پہ تریت تو پکن دیم ءَ تہار

آ کہ بے کار انت پدا بیا انت ادا کار ءِ سرا

واجکار بزہ کار یک جاگہہ ءَ بنداں ڈگار

دات ششک واجہان پاد ترپ بیہار ءِ منا

بس کن حقانیؔ بگر آدم وتی زوانءَ بدار!