ہِچیّ گِندگ نہ بیتءُ جاگہ نیست

ہِچیّ گِندگ نہ بیتءُ جاگہ نیست

نیست جَنگل، اِدا اوں دریا نیست

وہد ءِ ہمراہی ءَ ، نہ بیت ہمراہ

مئے گنوکّی ءَ ژانگ پاد ءَ نیست

مرچی چمّانی رنگ بَرگَشتہ !!

واب اِنسرتگَنت ءُ ڈیوا نیست

بےترا ہامَگ اِنت ہمُک جلوَہ

بے ترا زندگی ءَ معنا نیست

مرچی انچیں سِپاہی ے مُرتگ

مرچیءَ رند شہرءَ داوا نیست

رنگ چارگ نہ بنت نہ شَہمنت چمّ

انچیں امروزے زاناں فردا نیست

گوں ترا جیڑ اِتہ ، بہِشتے است

گوں وتا جیڑ اِتہ کہ دنیا نیست

ہَمسپر ، دُوریں کِسّہے ، ارمان

شہر ءَ ہَمساہِگے اوں مارا نیست