شِنگ کن:
کِشک ہاک پیوندیں آس ءُ آپ دوتکیناں
گُلزمین نشینانی آزماں کروتکیناں
اَلوتے چراگانی نےَ کہ کُوکوی بْرمشے
لیلویے بہ گْوندیت کےَ اِیسکگاں اے موتکیناں
کُنٹگے چو جِکّان اِنت تْراولیں سفر پاداں
ساہگے نہ سنگرتہ لَڈّ ءُ بار بوتکیناں
مان کش اِتیں اَنگر زندگیءِ دیدوکاں
شپگروک پاہاریں شپچراگ سوتکیناں
عاجزءِ دَراَتک بلکیں گاریں ہَڈّ ءُ کامپولے
بے نشانیں دَمبانی مانشوں بہ کوتکیناں