شِنگ کن:
منی بیرانی ءَ چہِ پد
بدل بیت گیدی ءِ دْروشم
ملار ءُ مستی ءِ موسم
خماریں چمّ بچکندنت
کہ بِلّے سَہگِر ءِ دست ءَ
شرابی شِیشگے پْرشتہ
نہ بیتّیں کسّ اَرمانی
منی دوست ءُ منی بیلی
دو روچی گنگل ءُ سنگت
پدا دِلگوش بنت گوں وت
دگہ دابے پلانی کنت
دل ءِ وَیرانی ءَ چہ پد
گوں اَرساں ماہکانی کنت
منی بیرانی ءَ چہِ پد
بگندے تلوسیت امّا
تُسیت ءُ بود کنت اَدّا
دل ءَ ہاکاں مُشیت لالا
خماریں چمّ بچکندنت
کہ بِلّے سَہگِر ءِ دست ءَ
شرابی شِیشگے پْرشتہ
حُدا ءَ شاعرے کُشتہ
پہ دپ وشّی گُشیت دُنیا
نہ جَلّ اِت یک دمانے ءَ
کہ ماسر پدکُتیں عاجز
مرواَنُّوں
ترا دُنیا شگانی کنت
تئی بیرانی ءَ چہِ پد
جہانے ہاکشانی کنت