شِنگ کن:
زَگریں ٹپّاں، پکُّی آزگ کُرتیناں
اوئے چرے رُزوائیں زندءَ مُرتیناں
یک چراگے، بالوے، یک اِستالے
بس ہمے توشگ گْیابانے زُرتیناں
تْراول تْرومبیں پاداں کنٹگ جِکّینتوں
ہِنّی پندیں کِشک اَگاں دمبرتیناں
من اوں ترا تئی عشق گوں سیتّاں واترّینت
تو کہ منی بے وابی پدا بیاؤرتیناں
جیڑانءَ کبرستانے اوسپان کتہ
نود نہ دِیدیں پُلّ نبا گیمرتیناں
جَلّ مجلّ ءُ مہتل کلپیں وہد ءُ پاس
تو کہ شُتئے عاجز گوں پاداں بُرتیناں