شِنگ کن:
تُنّ دْروہاپیں گُباراں نمبگیں ساں کَشّتہ
سْروگیں دنزے تہاری دیدگاں ماں کَشّتہ
بیتگ اَنت اوست ءِ شہیدیں اَرس بے گور ءُ کفن
شکّلیں جنگانی سیتّاں گیش تاواں کَشّتہ
کور سِتکیں داں چراگانی دپونکہ بُتکگ اَنت
چُنت باریں چمّ، بے مانائیں واباں کَشّتہ
ہؤ ہمے نیست ءُ نِپِٹّیں نوبتءِ پدریچ من
زرد کُرّوہاں پتاتہ، سر شراباں کَشّتہ
منتگاں عاجز مں اَنچیں چیپّاں موریں اَہدےءَ
مردگاں دْرانکے جتہ، ناں زندگاں جاں کَشّتہ