شِنگ کن:
کشکانی کندیل تُساں تا واتر کن
تئی گم اچ من باج براں تا واتر کن
ماھ وادرے بار ءَ تھنا زُرت نکنت
آزمان ءِ استال مِراں تا واتر کن
انگت زمانگ پُلانی بستار ءَ نزانت
رنگانی پوشاک دِراں تا واتر کن
وھد وروک ءِ ارزانی تئی یات نئیت
چو من ڈڈاں پروش وراں تا واتر کن
جنگ دو دیمی مردم ھچبر داشت نکنت
وھدے توپگ زنگ گِراں تا واتر کن
پہ ما زمین ءُ پہ تو دریا ھردوں مات
مات کہ وھدے گوانک جناں تا واتر کن