شِنگ کن:
مہر رُزوا کنگ نہ بیت، من کُتہ
ھچ تماشا کنگ نہ بیت، من کُتہ
پہ ترا آھگ ءَ بُلور بدن
کِشک بّڑا کنگ نہ بیت، من کُتہ
جِنگ ءِ میان ءَ ابیتکیں زالبولے
اینکس زیبا کنگ نہ بیت، من کُتہ
تھنا یک واھگے نہ اِنت ادا
چی چی رندا کنگ نہ بیت، من کُتہ
گِند، بچکند ءُ پدا ھچ مہ گُش
چُش بھروسہ کنگ نہ بیت، من کُتہ
اے گلامی ءِ اھد ءَ اِشک ءُ وپا
جنگ ءِ پیما کنگ نہ بیت، من کُتہ
"سِنگ ءُ سَر "آئی ءَ چادر چَنڈ اِت
چون اے داوا کنگ نہ بیت، من کُتہ
کئے گُشیت تئی ھواری ءَ گوں زمین
گیش زیبا کنگ نہ بیت، من کُتہ
بس گوں تئی کسہاں ابیتکی ءُ شپ
پرچا مُلمہ کنگ نہ بیت، من کُتہ
تھنا یک مردمے پہ وت آزر
دراھیں دگنیا کنگ نہ بیت، من کُتہ