شِنگ کن:
قوم ءِ وتی زبان ءَ شاعر توار کنت
ملک ءِ وتی یلاناں کاریت اوار کنت
دمبُرتگ اش چہ دہر ءِ گشیں جتائی ءَ
کاریت ہمسراناں یک جا قطار کنت
ہرکنڈ پہ کنڈ لوٹیت قوم ءَ را جار جنت
گندیت بزیں سرپان ءَ قول ءُ قرار کنت
در کپتگ انت چہ ڈیہہ ءَ راج ءِ مزن میار
پولیت کنگراناں کاری تیار کنت
شاہی تبیں بلوچ پچ رحتگ انت جتا
لوٹیت ہما سراناں ملک ءِ میار کنت
گل سہتگ اَنت لوار ءَ گیمرتگ اَنت بہار
بلبل پہ دستاناں بُور ءَ سوار کنت
آدمؔ بلوچ ءِ شاعر کُوکار ءُ جارجنت
حقانی کوچگاں کہ فصل کشار کنت