شعراں جناں

وختے اواراں سَنگتاں ، گُڑا دوستی شعراں جناں

اگا ایوک ءَ نِنداں دَمے، گُڑا عاشکی شعراں جناں

بس زیند گوں شعراں گوئزی ، دوھمی مناں گَرز ءِ نبی

بس شاعری ایں زندگی ، روش ءُ شفی شعراں جناں

مارا زمانغ ءَ جتہ، اَش بَھرَغ ءَ نئیں شاعری

وختے رغام ڈیھ ءَ رُدی ، ھئور ءُ جُڑی شعراں جناں

شعراں گوں نازیناں وتی مُلک ءَ وتی ، ڈیھ ءَ وتی

چو گِیر کاراں زَھم جناں ، گُڑا چاکری شعراں جناں

بس سنگتاں اَرز اِنت ھمے، شعراں منی دِلگوش کَنیں

ھِچّی نزاناں پہ چیا ، بس دل گُشی شعراں جناں